Samne palang per Tushar chit leta uper chhat ki taraf tak-taki lgaye dekh rha tha. Uske chehre per kai bhav aa-ja rahe the mano apni sari zindagi ka yahi lekha-jokha ker raha ho

“Tushar tumne abhi tak dudh nahi piya? Malum hai main is dudh ko aathavin bar garam karne ja rahi hu, pata nahi tum dudh pite kyo nahi ho?”- Ranjana (Tushar ki patni) ne afsos jatate huye kaha .

“Pilunga na..” -Tushar jhallate huye .

(Din-Pratidin Tushar ka vyawahar bahut hi ajeeb hota ja raha tha. Samay der samay Tushar ander hi ander toot raha tha. Ye baat Ranjana se chhipi n rah saki kyoki Ranjana ek sarkari collage me psychology ki professor thi, jisne psychology me hi PhD ki thi.)

“Kya baat hai Tushar? Tum beachain lag rahe ho, Mujhse kuchh kehana chahate ho to kah do.. mann me mat rakho. Mann ki baat keh dene se mann halka ho jata hai.” –Ranjana ne bade pyar se Tushar se kaha.

(Tushar abhi bhi apne mann ki uljhhan me fasa tha ki Ranjana ko apne dil ki baat khul ker kahe ya nahi.)

Isi oohaapoh ke sath- “Ranjana maine zindagi mein kya kiya? Sari zindagi kewal paisa kamane ke liye bhaaga, n hi apne pariwar ko samay diya. Tumlog kai baar bolte the, ki outing, picture ya picnic per chalo, kintu main aksar kaam ka bahana banaker mana ker deta tha. Mujhe achhi tarah yaad hai, tum mujhe bahut samjhaya karti thi ki thoda waqt apne aur apno ke liye nikalo varna bahut pachhataoge. Kintu us samay kewal kamane ki hi sochata tha aur isiliye aaj main bahut pachhata raha hu ki kash main un chhoti-chhoti khushiyo me rah ker khush hua hota.”

Tushar thoda rukte huye – “Mujhe us cheez ka pachhtawa nahi hai jo mainne kiya balki uska pachhtawa hai jo mainne nahi kiya .-kash mere pass samay hota. Tushar kehte kehte ruk jata hai.”

Ranjana bade dhyan se Tushar ki baten sun rahi thi ,phir ek lambi saans khichate huye – “Tushar tum chaho to zindagi abhi bhi dur nahi gai hai use waqt rahte hi tham lo. Tabhi to kahate hai- ‘Zindagi hai to khwab hai, khwab hai to manjil hai, manjil hai to raste hai, raste hai to mushkile hai, mushkile hai to himmat hai aur himmat hai to hi safalta hai.’ Tushar hamare jo sapne hai vo hum nahi chunte balki sapne hame chunate hain kyoki humme kathin parishram karne ki shamta hoti hai, tabhi to vo sapne pura karne ka jajba aata hai.. Ise kabhi tootne mat do. Agar sangharsh karna hai to karo. Ho sakta hai tum giroge bahut baar, per ginne ke liye kon hai?

Har vyakti in do cheezon ke bina safal nahi ho sakta –

1. Sangharsh
2. Aalochana

Tumhe Ishwar ne tofe ke roop mein zindagi di hai use barbad mat karo. Agar zindagi khatm ho jayegi to ye dobara nahi milegi isliye tumhare ander jo aavishkar karne ki ichha hai vo karo. Isliye is zindagi ko is tarah samjhho-

‘Zindagi kanto ka safar hai, hosala iski pehchan hai, raste per to sabhi chalte hai ,

Jo raste banaye wahi insan hai.’ – Ranjana kehate huye Tushar ki taraf dekhati hai.”

(Usne dekha Tushar aaj bina need ki dawa liye hi so gaya tha mano use apne Jeevan ka arth mil gaya ho).

My Views – Bite huye dino ko aap badal nahi sakte, aane wale kal ko behtar jaroor bana sakte hai.

Add to favorites